Сау болу сәнді!

Дүниежүзілік денсаулық сақтау ұйымының (World Health Organization, WHO) 1948 жылы құрылған күні құрметіне жыл сайын 7 сәуірде Дүниежүзілік денсаулық күні (World Health Day) атап өтіледі. Сол тарихи күннен бері әлемнің 194 мемлекеті Дүниежүзілік денсаулық сақтау ұйымына (ДДСҰ) мүше болып отыр.

1950 жылдан бастап Денсаулық күнін жыл сайын өткізу дәстүрге айналды. Бұл күндегі іс-шаралар адамдардың өз өмірлерінде денсаулықтың мәні қаншалықты зор екенін түсінуі үшін өткізіледі. Ал денсаулық сақтау ұйымдары бүкіл әлемдегі адамдардың денсаулығын жақсарту үшін не істеу керек екен деген мәселені шешуге міндетті.
Әр жылда Дүниежүзілік денсаулық күні әлемнің денсаулық сақтау саласы алдында тұрған жаһандық мәселелерге арналады және әр түрлі ұрандармен өткізіледі: «Көптеген адамның өмірін құтқарудың жолы сенің қаныңның қауіпсіздігінде», «Белсенділік- ұзақ өмір сүруге жол», «Жүктілік – өмірдің ерекше оқиғасы. Ол қауіпсіз болуы керек», «Денсаулықты климаттың өзгерістерінен қорғаймыз», «1000 қала – 1000 өмір», «Кенттені және денсаулық», «Микробтарға қарсы препараттарға тұрақтылығы және оның ауқымды таралуы», «Жақсы денсаулық өмір жасыңызды ұзартады», «Жоғары артериялық қысым», «Кішкентай шағу – үлкен қауіп-қатер көзі», «Тамақ өнімдерінің қауіпсіздігі», «Диабетті жеңеміз!», «Депрессия: кел, сөйлесейік», «Денсаулық баршаңыз үшін» және т.б.

Адамдардың оларға қандай қолдау және қандай көрсетілетін қызметтер қолжетімді екендігі және оларды қалай алуға болатындығы туралы толық түсінік алуына көмектесу үшін, 2019 жылы Дүниежүзілік денсаулық күні ДДСҰ денсаулық сақтау қызметтерімен жаппай қамту тақырыбына ерекше көңіл бөлетін болды.
Денсаулық сақтау қызметтерімен жаппай қамту идеясы барлық адамдарға сапалы денсаулық сақтау қызметтерін керек жерде және керек уақытында ешқандай қаржылық қиыншылықтарсыз алу мүмкіндігін қамтамасыз етуде тұрады.

Возврат к списку