Бүгін Кәсіпорында ҚР Ішкі істер министрлігі полиция департаментінің қатысуымен террористік тұрғыдан осал объектілерді Терроризмге қарсы қорғау бойынша тақырыптық семинар өтті.

Бүгін Кәсіпорын базасында "Әлеуметтік медициналық сақтандыру қоры" КЕАҚ Астана қаласы бойынша филиалының директоры Н.Р. Қабдыкапаровтың, Қоғамдық денсаулық сақтау басқармасы басшысының орынбасары А.А. Ақпарованың, "AQNIET" ҚР Денсаулық сақтау қызметкерлері кәсіподағының төрағасы Б.А. Тәжібайдың және "SENIM" Денсаулық сақтау қызметкерлері кәсіподағы РҚБ Астана филиалының төрағасы Д.Б. Нұрпейісованың қатысуымен денсаулық сақтау субъектілерінің медицина қызметкерлерінің жалақысын арттыру мәселелері бойынша талқылау өтті.
Кеңеске Астана қаласының барлық медициналық ұйымдары қатысты.

Астана қаласының «Қалалық жедел медициналық жәрдем станциясы» ШЖҚ МКК базасында қызметті дамыту мәселелері бойынша Қазақстан Республикасының облыстық және қалалық жедел медициналық жәрдем станцияларының бас дәрігерлерінің көшпелі жұмыс кеңесі өтті.
ҚР ДСМ вице-министрі В. Дудник, ҚР ДСМ Медициналық көмекті ұйымдастыру департаментінің директоры А. Дюсенов, Ұлттық шұғыл медицинаны үйлестіру орталығының Басқарма төрағасы А. Баянбаев, Астана қаласы Қоғамдық денсаулық сақтау басқармасының басшысы Т. Мұратов алғы сөз сөйледі.
Медициналық жәрдем,  оның ішінде медициналық авиацияны тарта отырып көрсету қағидалары бойынша жаңартылған бұйрық, «Парамедик» жұмыс оқу бағдарламасының жобасы, сондай-ақ медициналық-санитариялық алғашқы көмек көрсететін медициналық ұйымдарда шұғыл медициналық көмекті ашу жөніндегі пилоттық жоба таныстырылды.
Кеңес барысында қазіргі мәселелер айтылып, оларды шешу жолдары талқыланды.