Бүгін Қалалық жедел жәрдем қызметінің жұмыскерлері фельдшер - Махаматова Оразгуль, диспетчер - Бекетаева Акмарал, жүргізуші - Дүйсенов Даурен «Айтарым бар» бағдарламасына шақырылды.
Тікелей эфирде құрметті қонақ ретінде Қоғамдық денсаулық сақтау басқармасының басшысы Мұратов Тимур Мұратұлы қатысып, өз атынан бағдарлама кейіпкерлеріне Алғыс хат пен гүл шоқтарын ұсынды.
Өз құттықтау сөзін Қазақстан Республикасының еңбек сіңірген әртісі Қарақат Әбілдина ән ретінде сыйлап, қонақтарды қуантты.

Медицина қызметкерлері күнін мерекелеу құрметіне Кәсіпорында ТЖД бригадаларының қатысуымен қосалқы станциялардың бригадалары арасында жарыс өтті. Бригадалар халықаралық стандарттар (BLS, ACLS, PALS, PhTLS, триаж) негізінде ауруханаға дейінгі кезеңде шұғыл медициналық көмек көрсету бойынша өз білімдері мен дағдыларын көрсетті. Бұл стандарттар суға бату, жол қозғалысы, анафилактикалық шок және көп зардап шеккен адамдары бар апаттар сияқты төтенше жағдайларда өңделді. Байқау кеңесінің төрағасы К.К. Кулмуканов, директор М.Б. Оразбаев және кәсіподақ өкілдері салтанатты түрде карантиндік талаптарды сақтай отырып, жарысқа қатысушыларға марапаттар мен бағалы сыйлықтарды табыс етті.

Кәсіпорын базасында ҚР Цифрлық даму, инновациялар және аэроғарыш өнеркәсібі министрлігінің өкілдерімен кездесу өтті. Кездесуде жедел медициналық жәрдем қызметін цифрландыру мәселелері талқыланды. Атап айтқанда, ЖМЖ бригадаларын отандық өндірістің планшеттерімен жабдықтау мәселелері талқыланды. Кездесуде планшеттердің қажеттілігі мен техникалық сипаттамалары анықталды. Кездесу қатысушылары Кәсіпорынның диспетчерлік қызметі мен ахуалдық орталығының жұмысымен танысты.